Java Watermarking Tool (JWMTool)
¿Que é JWMTool?
Java Watermarking Tool (JWMTool) é unha ferramenta, desenvolvida en Java, que pretende ser de utilidade á hora de avaliar os límites da inserción de marcas de auga en medios dixitais (en concreto, vídeos), información de grande importancia á hora de deseñar algoritmos e técnicas de marcado dixital.
No momento actual, JWMTool soporta vídeos sen comprimir (en formato YUV) e permite realizar probas nas que o usuario pode seleccionar a compoñente sobre a que se quere actuar (canal Y ou luminancia, canal U ou crominancia azul, canal V ou crominancia vermella, ou mesmo unha combinación deles), así coma o rango de coeficientes afectados, a contía da modificación a introducir neles, o tipo de alteración, etc. O proceso pode ser cego ou informado a elección do usuario, tamén.
Capturas de pantalla
Velaquí unha pequena colección de capturas de pantalla da JWMTool:
- Fiestra principal e diferentes opcións de configuración: [1] [2]
- Progreso e resultado da execución: [1] [2 (informada)] [3 (cega)]
Descargas
Java Watermarking Tool foi desenvolvida coa intención de poder ser útil nos primeiros estadíos das investigacións, desenvolvementos ou probas relacionadas co marcado dixital de medios. Aínda que a versión mais nova é tan só a 0.5 (actualizada o 28/06/2007), a aplicación é completamente funcional e pode ser descargada libremente para o seu uso, baixo licenza GPL:
- En sistemas Linux [executable jar empaquetado tar e comprimido gzip, 613'1 Kb]
- En sistemas Windows [executable jar comprimido zip, 613'9 Kb]
O código fonte da última versión (v0.5, 28/06/2007) tamén está dispoñible:
- Código fonte Java [arquivo empaquetado tar e comprimido gzip, 593'5 Kb]
Novo: Prathyusha Vadlamudi (vadlamudi.prathyusha[a]gmail.com), estudante da Universidade de Houston, contribuiu con este proxecto engadíndolle soporte para varianza temporal. A versión que incorpora esta funcionalidade (actualizada o 10/08/2007) pode tamén ser descargada:
- Para sistemas Linux [executable jar empaquetado tar e comprimido gzip, 648'8 Kb]
- Para sistemas Windows [executable jar comprimido zip, 649'2 Kb]
O código fonte correspondente tambén está dispoñible:
- Código fonte Java [ficheiro empaquetado tar e comprimido gzip, 750'3 Kb]
Manual: redactouse unha sinxela guía de referencia para o uso de JWMTool (PDF comprimido gzip, 134,2 Kb).
